Sissant’anne ‘e matrimonio
…quanta fatte stanno ‘a dinte!
quanta ggente mise a munno
‘a sti duje guagliuncille
pe’ nu vàso accumminciato
...tanto e tanto tiempo fa.
…Otto figli fatte gruosse,
tanta nore e tanta iennere
e nepute in quantità.
tanta ggente tutt’ attuorno
…è na vera rarità!
pure tanta pronipoti,
dinte a ‘sta marmaglia ‘e ggente,
nun putevano mancà;
…chesta chiorma ‘e criature
songhe “‘o grano” semmenato
pe’ ‘o futuro che sarrà.
tutto chesto è grazie a vuje!
…grazie a chillo matrimonio
fatto ‘na matina ‘o scuro
chiù ‘e sessant’anne fa,
quanno ‘o Vescovo “annascuse”
dinte a Chiesa ‘o Vescovado
zitto, zitto, “aummo, aummo”
ve facettene spusà.
quanta sacrificie fatte
da allora fino a mò,
pe’ nun fa’ capì maje niente,
pe’ nu fa sapè e figlie
‘e coccosa che nun va.
quanta bbene ch’hammo avuto
‘a ‘sti dduje vicchiarielle
sempe pronti a farse annanze
pe’ risolvere ‘e probbleme
pe’ capì ca se po fa’.
È pe’ chesto… e tutt’ o riesto
che nuje stamme tutt’ ccà
pe’ ve dimustrà ‘stu bbene
che vuje sempe avite dato
…pe’ ve dicere tutt’quante
grazie assaje pe’ ciò che è stato
e pe’ chello che sarrà.