Quanta vote me ‘o cuntava
chillo fatto ‘o nonno mij.
chillo fattariello antico.
quale fuje ve ‘o dic’ij!

È nu fattariello triste
ma però ve l’haggio ‘a dì.
mo ve spigo chiano, chiano
comme po’ iette a fernì.

tutt’ l’anne puntualmente
sia amici che pariente
se crescevano nu puorco
senza maje dirce niente.

maje ‘na vota fosse stato
che qualcuno ‘e sti fetiente
hasso ditto ‘o nonno mij:
mitto chesto sotto ‘e riente!

ne facevano sasicce.
centenare e custatelle
e nisciuno maje diceva:
tiene cca! Tiè magnatelle!

sempe… ogn’anno ‘a stessa storia…
‘a ‘st’ amice e ‘sti pariente
comm’ a sempe, puntualmente
‘n arrivava maje niente!

ma fuje ‘nanno… chella vota
…chillo ‘o nonno ca facette:
sulamente pe’ currivo
…ma che puorco se criscette!

se facette tre quintale..
ma però nun ‘o ccereva
…aspettaje pe’ vedè
primma ogn’uno ca faceva.

fuje allora ca ogn’uno
ca vedette chillo fatto
a ddo nonno ce purtaje
tutt’ chello ch’avo fatto!

chi purtaje inte ‘o piatto
tanta belli custatelle;
chi veneva cu ‘e sasicce
tutte stese inte ‘e spaselle.

me parevano ‘e Re Maggi
sia amice che pariente.
s’abbuscaje tanta rrobba
‘o ‘bbuffajene ‘inte a niente.

le dicevano ‘utt’ quante:
tiene ccà chesto e pe’ te!
mò che hammo acciso ‘o puorco
nuje te ‘o damme pure a te!

fuje allora che ‘o nonno
che vedette ‘stà bontà
dimannaje a tutt’ quante:
ma che de ‘sta nuvità!?

accussì ‘o nonno mio
…quanno ‘o fatto iette a galla
se chiammaje a tutt’ quante
e ‘i purtaje dinte a stalla.

se purtaje pure appriesso
tutt’ ‘a rrobba ‘int’ ‘e spaselle
e ‘o mettette annanze ‘o puoco
tutt’ stiso bell’, bello.

le dicette tiene ccà
purcellù tiè magnatelle…
è pe’ tte ch’ hanno purtato
tutta chesta rrobba bella.

se ij mo nun te crisceve
ij mo nunn avevo niente
è ddò tuoje perciò ‘sta rrobba
‘e ‘st’ amice e ‘sti pariente.

tutt’ ‘a ggente là presente
se faceva meraviglia
‘o pigliarono pe’ pazzo
tutt’ quante da famiglia.

se dicevano: che fatto!!
se senteva nu brusio:
ma che ‘o vutte annanze ‘o puorco
tutt’ chesto bbene ‘e ddio.

ma o nonno rispunnette:
È do suoje chesto ccà
fino a mmò nun l’haggio avuto
e perciò se ‘o po magna.

fuje accussì che a’ uno a’ uno
se ne iettano scuntinte
tutt’quante chella gente,
sia amice che pariente