avi occhi chini ru mari,
avi la peddi arsa di lu suli.
chistu è u piscaturi,
è n’omu fattu d’acqua e sali,
a mari parra cu lli pisci.
e quannu viri lu pisci
ammagghiatu nta la riti
talia ‘n celu e ringrazia lu Signuri.
quannu scinni ‘n terra
nun viri l’ura ri turnari a mari.
picchì lu mari è lu so munnu,
e cu mari ci cummatti,
picchì si si scanta
lu mari l’annia.
u mari tavula d’acqua
oppuru muntagna,
nun porta scunfortu
a lu so cori.
u piscaturi è forti
e nun s’arrenni mai.

in italiano:

ha gli occhi pieni di mare
ha la pelle bruciata dal sole.
questo è il pescatore,
è un uomo fatto di acqua e sale,
in mare parla con i pesci.
e quando vede un pesce
nelle maglie della rete
guarda in cielo e ringrazia il Signore.
quando arriva a terra
non vede l’ora di ritornare in mare.
perché il mare è il suo mondo,
e con il mare combatte,
perché se ha paura
annega in mare.
il mare come una tavola
oppure montagna,
non gli porta sconforto
al suo cuore.
il pescatore è forte
e non si arrende mai

(muntagna (montagna) inteso come onde alte)