tu nge guardave e nuie ferm’a tremente,
nu passe nnante nge facevi tu;
scenne a na conclusione e veramente
tu, cumme figlia, genia iere re cchiù.
na notta senza stelle e senza luna
è cumme a questa casa senza te,
maronna ngurunata senza crona
è quere ca cercame e ca nun ngè.

e nun nge so penziere ca nun facime
e nun nge sò chiù carte ca guardame,
ngimme a ogne cosa, sempe a te verime
e nun nge so chiù panne c’abbrazzame
re chiante n’accoglime na vrancata
e re suspire scorma la iurnata.

sempe la stessa scruia nnante a st’uocchie
inte a sta casa che selenzie ngè
chiù passa tiempe e poc’assaie s’accocchie
recenne cose senza nu pecchè.
nge manca l’aria e chiù nun se respire
lu iuorne è tutte quante nu suspire
e c’arbacia a la notte int’a lu liette
nun c’addurmime se nun so re quatte
………….
e cumme reciste tu: nun sime state,
nun sime proprie state furtunate.

spreziosamar07nmser