Stanotti mi’nsunnai un picciriddu
E ‘cci addumannai unn’era so Matri
Iddu ‘nnuccenti, taliannu ‘ncelu
M’arrispunniu:
A VIDI DDA STIDDA ?
CHIDDA E’ ME MATRI.
Allura taliaiu ‘dda stidda
E ‘cci addumannai unn’era so figghiu,
idda ciancennu e taliannu ‘nterra,
m’arrispunniu:
A VIDI DDA CRUCI ?
DDA CC’E’ ME FIGGIU.
Ma ‘dda cruci era granni
E Cristu nun si vidìa,
ma allura ‘nta cruci cu cc’è ?
m’addumannai taliannu;
CCI SUNU L’OMINI…….
M’arrispunniu na vuci,
OGNUNU ‘CCA SO’ CRUCI,
OGNUNU SENZA PACI.
E Cristu allura d’unn’è …..?
M’addumannai ciancennu,
‘E ‘CCU SO PATRI……….
M’arrispunniu ‘dda vuci,
‘NTA CRUCI NUN CC’E’ CCHIU’
SINN’ACCHIANO’ ‘NCELU,
‘PI CIRCARI PACI.