‘A me Sicilia


Di tia hannu scrittu tanti ca m’affruntu
Comu siddu ‘u cupiatu avissi a fari
Ma c’è ‘u me cori c’avi un bellu cuntu
E mi ‘ncuraggia ‘a manu a scritturari.

Jittàta fusti com’ un cocciu ‘i rina
Di li manu d’ un ventu sciluccusu
Nt’òn mari ch’è ‘u cchiù beddu d’à cartina
Ca di na banna è apertu e l’autru chiusu.

Di cucciteddu ‘i rina tantu giarnu
C’aiutu di lu suli e d’ì surgivi
Culuri tu pigghiasti un beddu jornu
Di tò lumiuna aranci çiuri e alivi.

Ti senti ‘u viddicheddu arrifriddatu
P’a nivi ca dda ncapu sempri teni
Ti lu quadìa ‘a Natura c’ ù so çiatu
Comu na Matri ca ti voli beni.

Li megghiu artisti s’hannu ‘namuratu
D’ì to tramunti e zagari çiarusi
D’ ù jancu girsuminu ‘mprufumatu
Cassati e cannulicchi ddiliziusi.

‘N’curùnanu la luna ‘a sira ‘i stiddi
A tipu niputeddi attorn’a nanna
C’aricchi a lu pinneddu ognuna d’iddi
Ascutanu li cunta ca ci manna.

E ascutanu la luna ca ci dici
Chistu di ca è un pizzuddu ‘i Paraddisu
Cca sutta lu Signuri si lu fici
Pi quannu d’ì stanchizzi senti ‘u pisu.

Penzu ca lu Signuri fu dicisu
A nun ci dari l’urtimu dittagghiu
“Sinnò picchì chiamarlu Paraddisu
Si ci mitteva puru lu travagghiu?”


La mia Sicilia
Di te hanno scritto in tanti che mi vergogno/come se dovessi fare il copiato/ ma c’è il mio cuore che ha un bel racconto/e incoraggia la mia mano a scritturare/Buttata fosti come un granello di sabbia/dalla mano di un vento di scirocco/in un mare che è il più bello della cartina/che da una parte è aperto e dall’altra chiuso/Di granello si sabbia così pallido/aiutato dal sole e dalle sorgenti d’acqua/colore tu prendesti un bel giorno/dai tuoi limoni aranci fiori e ulivi/Ti senti l’ombelico raffreddato/per la neve che la sopra sempre tieni/te lo scalda la natura col suo fiato/come una madre che ti vuole bene/I migliori artisti si sono innamorati/dei tuoi tramonti e zagare odorose/dei bianchi gelsomini profumati/cassate e cannolicchi deliziosi/Le stelle di sera incoronano la luna/come nipotini intorno alla nonna/ognuno di esse ascolta attentamente/le fiabe che lei racconta loro/E ascoltano la luna che a loro dice/questo di qui è un pezzetto di paradiso/qua sotto il Signore se lo fece/per quando delle stanchezze sente il peso/Penso che il Signore fu deciso/ a non le dare l’ultimo dettaglio/se no perché chiamarlo paradiso/se ci metteva anche il lavoro?