Russu di sira
Jurnata c’accussì ti va astutannu
‘nt’on celu arripizzatu i mattuluni
russa è ‘a tò facci mentri va murennu
rusciana p’à vasata rata ò suli.
Chi tò culura tu nni fa giuìri
spiranza tu nni du’ p’ ù novu jornu
chi fussi bonu 'u tempu a vinìri
e manza di lu mari fussi l’unna.
A palla ‘i focu già vasa 'a muntagna
e ‘a prima stidda adduma priannèdda
‘u suli 'i manu sò ‘ntò mari abbàgna
‘nciammànnu 'u piscaturi e ‘a varchicedda.
Puru la taddarìta ora è fistanti
cuttuttu ca ci manca ‘a vavarèdda
‘miriàca pari mentri và jucannu
chi zappagghiuna a orvu-ciminedda.
Di la tò vita l’uri nni dunasti
senza taliàri amici e ne ‘nimìci
“spinnìtili p’ ù beni” nni dicisti
c’è cu ti ‘ntìsi... e cu lu surdu fici.
Rosso di sera
Giorno che così ti vai spegnendo / in un cielo rappezzato di bambagia / rosso è il tuo viso mentre vai morendo / paonazzo per il bacio dato al sole. / Con i tuoi colori tu ci fai gioire / speranza tu ci dai per il nuovo giorno / che fosse bello il tempo a venire / e calma l’onda del mare. / La palla di fuoco bacia già il monte / e la prima stella accende gioiosa / il sole le sue mani nel mare intinge / infiammando il pescatore e la barchetta. / Anche il pipistrello ora e festante / nonostante che gli manchi la pupilla / ubriaco sembra mentre giocherella / con i moscerini a mosca cieca. / Della tua vita ci donasti le ore / senza guardare amici e ne nemici / spendetele per il bene ci dicesti / c’è chi ti diede ascolto e chi il sordo fece.
