Quanno te siente sola e se fa scuro,
pe' compagnia te lascio stu pensiero,
è piccirillo e nun cunosce 'o munno,
e ancora puro, nun sape campà.
È comm’a na lucella d’ ‘o presepio,
ca nun fa luce ma sai ca ce sta,
senza famiglia va cercanno casa,
daglie nu nomme e tienatillo cca.
astrignilo cchiù forte quanno chiove,
e na carezza nun ce fa' mancà,
si jesce 'o sole po’ è 'o mumento suoje,
man' dint' 'a mano, imparalo a cammenà.
cresciatillo sano e cu principio,
mannalo a scola e
fall’ arraggiunà,
ca primm' o doppo trova n'ata capa,
pecché 'o pensiero bbuono chest’ fa.

pensiero buono.
quando ti senti sola e si fa scuro,per compagnia ti lascio il mio pensiero, è piccolino e non conosce il mondo, e ancora puro non sa come si fa.
e come una lucina del presepio,che non fa luce ma sai che ci sta, non a famiglia và cercando casa, tu dagli un nome e tienitelo qua'.
stringilo più forte quando piove,, e una carezza non gli far mancar, se esce il sole poi è il momento suo, mano per mano imparalo a camminar.
Crescilo sano e con principio,mandalo a scuola e fallo ragionar,che prima o dopo trova un altra testa, perché un pensiero buono questo fa'.