PoeticHouse - Il Portale dei Poeti e della Poesia
Pubblicata il 06/10/2007
Nu juorno Dio vulette fa nu cenzimento
pe sapè quanti santi stiveno dinto o paraviso
chiammatte a Pietro e li diciette gentilmente
“ fammèllo sapè tu, Pierì o nummaro preciso;

Chi megli e te po ffà chisto lavoro
tieni o nun tieni a chiave e chisto alloggio,
cca sta o liggistro, famméllo sto favore
e fatte aiuta se te serve a Sant’ Ambrogio.

O cunto m’ha purtà bello preciso
m’arraccumanno Pietrù senza n’errore
se no te vutto a copp’abbascio o paraviso
e nun te faccio cchiù saglì manco ppe n’ora.

Ogne cient’anni quanno vene stu mumento
e sto servizio nun po esse arrimandato
‘capo me saglie comme nu turbamento
can un se leva si o mpiccio nun mo so levato.”

Rispunnette pietro: “ A vosta esposiziona,
ogne comando vuosto Signò è un mio dovere,
vuje o ssapite e tanta a devozione
che ogne cosa a faccio co piacere.”

E accuminciatte a chiammà l’appello:
“Aitano, Amilcare, san Biase
Bicienzo San Carluccio Cuncettella
Francè si tu, nun perdi tempo,trase.

Aspetta, aspè a cu te porte appriesso,
fermete llà, chi è chist’imbroglione
Francischiè tu cummè fa poco o fesso
comme se chiame ? che dici.. San Forgione.

E mò che ffai ,me porti pure e clandestini
né guagliò, chillo ca se rice fusse o vero
tu ca si stato o mieglio cherubino
mò te si messo a ffà o contrabbandiere.

A sto canciello né San Pio, né San Forgione
è mai trasuto a quanno ce stonch’io
ppè vvenì qua guagliò ce vo o diploma,
e sto diploma vo firmato a Dio.

E tu o ssai quante carte e cche burocrazia
ce vo Francè p’addiventà beato
mò tu me stai addì ca pate Pio
a tutto chisto è stato dispensato.


Nè, o chisto mo fussa mieglio e ll’ate
e tiene na forte arraccumannazzione
senza processo m’offai addivintà beato
t’avissa svitato ‘capa no bullone.

I cca stonco a sentiì sulo o padrone
“ famme sto cunto” diciette ca si no ssu guaie”
teneva pura a Gesù pe testimone
“si sbagli o cunto posa e chiave e te ne vai.”.

Ncoppa a sto monaco, ce sta già n’incartamento
a San Giovanni già cumbinatte ‘bruogli
si o faccio trase senza documenti
cchiù o fatto s’ingarbuglia e s’arravoglia.

Vattenne guagliò, chisto è o foglio e via
nun c’è puosto pe tte miezz’a sti santi”
accussì diciette San Pietro a pate Pio
“ e stanimmo cchiù cujeti tutti quanti.

O ssje Francè can un faccio o galoppino
ma ssaje cchiù mieglio can un so cecato
i to spedisco all’istante a Pietrelcina
sto marionciello ca te si affiliato.”

E o pavuriello s’arricugliette e miezzi guanti
a figurella co ll’immagine e Maria
salutatte chiagnenno tutt’e santi
e rummanette sulo sulo miezz’a via.

Ma o pate eterno, Dio Onnipotente
s’apprisintatte in gloria co figlio e co Maria
“ e cchè San Piè mò vai truvanno puro o documento
pe ffa trasi mparaviso a Padr Pio.

Cche stai a ffa , mo te fussa scimuto
st’animella a tratti comme na mbrugliona
i ggià o sapevo ca stivi zallanuto
che t’avessa ra mo comme puniziona.

Va bbuò Pierì, ggià si pirdunato
o ssaje guaglioncè i te voglio bbene
ma o mieglio santo tu m’alluntanato
mo va mo trova, e speriamo ca me vene”.

E Pietro mogio mogio s’avviatte
co sacco cuollo pe truvà a S. Pio
a Pietrelcina sotta l’olmo lu truvatte
so piglia cuollo e so porta innanzi a Dio.


Che grande festa ‘paraviso appena fu arrivato
Dio in persona sunava o mandolino
S. Gennaro abballava pe mmiezo l’invitati
co no presutto mmano e na botteglia e vino.

Chilo juorno avette applausi e complimenti
Pate Pio nuosto c’ancora se ne gode
e Dio po fa sta ancora cchiù contento
o facette santo co centodieci e lode.
  • Attualmente 5/5 meriti.
5,0/5 meriti (1 voti)

bellissima, con quel pizzico di humor che rende accattivabile la lettura e il messaggio contenuto. deamor.

dolcissimo il tuo dialetto...

il 07/10/2007 alle 07:35

non la volevo mettere in rete per paura di tediare per la sua lunghezza

grazie veramente grazie

il 07/10/2007 alle 08:20

tutti gli applausi possibili..

il 07/10/2007 alle 12:43

fatto da te questo complimento mi ripaga di tutti quelli che passano ignorando tutto.......ciao

il 07/10/2007 alle 13:56

La resa in vernacolo è efficacissima, rimanda ad un susseguirsi di immagini pregnanti.
Un saluto, mati.

il 07/10/2007 alle 15:43

grazie sognatrice fatto da te è un complimento molto gradito ciao
antonio

il 07/10/2007 alle 16:55