- Toh, varda chi che se vede!
Ciao 'More come ti stà?
Ben vècia mia anca se so qua tacàda
a 'sta brìcola, ma no so ligàda strèta
l'armìzo el par 'na colàna
e po' ti ga visto go la velàda turchina
so inbaretàda parch' zé borìn...
El me Bepi me vol tanto ben,
fursi più de so mugèr.
ti savèssi che se capìmo a volo,
se parlèmo cofà do moròsi,
de e volte se radeghèmo parchè
anca questo fa parte de l'Amor,
ma po' dopo no se tegnìmo el muso,
e lu me còcola, el me vàrda co de queli oci,
el me suga co 'na stràzza tènara, tènara,
el me carèzza e mi devènto cussì slusènte
cofà 'na brancàda de diamanti, si parchè
el vol che fassa senpre 'na bela fegùra
quando che 'ndèmo tòrzio in Canalàzzo...
E mi me la godo, me piàse farme ninàr da l'onda,
sbabazzàrme co la s'ciùma e le àleghe,
prima vago sùzo e po' dopo presìpito zo
squàsi me mancàsse el fià,
a volte sìgo cofà un putèo in giòstra...
Me piàse ciacolàr co la luna,
farme inarzentàr da le stele,
'scoltàr la vose de'l vento e di li cocàli,
i zuramènti de i morosèti e me bàso le man
par èssar nata qua ne la me Venezia...


Toh, guarda chi si vede!
Ciao Amore come stai?
Bene cara mia anche se sono qui legata
a questa briccola, ma non sono legata stretta
l'ormeggio sembra una collana
e poi vedi ho il vestito azzurro,
sono coperta perchè è vento di bora...
Il mio Giuseppe mi vuole tanto bene,
forse più di sua moglie,
sapessi che ci comprendiamo a volo,
ci parliamo come due morosi,
a volte ci becchiamo perchè anche
questo fa parte dell'Amore
ma poi non ci teniamo il muso
e lui mi coccola, mi guarda con di quegli occhi,
mi asciuga con uno straccio tenero, tenero
mi accarezza ed io divento così lucente
come una manciata di diamanti, si perchè
vuole che faccia sempre una bella figura
quando che andiamo di giro nel Canalazzo...
Ed io me la godo, mi piace farmi cullare dall'onda,
crogiolarmi con la schiuma e le alghe,
prima vado su e poi dopo precipito giù
quasi mi mancasse il fiato
a volte grido come un bimbo sulla giostra...
Mi piace chiacchierare con la luna,
farmi inargentare dalle stelle,
ascoltare la voce del vento e dei gabbiani,
i giuramenti dei fidanzatini e mi bacio le mani
per essere nata qua nella mia Venezia...