Me compagna stanote a malinconia
ae dolse sere del'infansia mia,
e me ritrovo dentro e case frede e scure
scaldae dae stae o dal camin
e me sprofondo nel profumo del tempo
e sgrafo i ricordi del ben de me mama
co la taconava,in cusina vissin al fogoearo
soto soto de petrolio 1ciaro.
Parea la ricamasse,
tanto jera l'amor che la ghe meta
co la scapinava i calseti.
L sgranar dei rosari de me nona sentà
so on canton
tignendo a corona streta co devvosion.
I nostri oceti che slusea dal sono
scoltando e fole de me nono,
na gran soca sol fogoearo l core scaldava
e nel solco verto del'anema mia
me rivedo putea in brasso a me papà
fin che'l sono ciapava.
Se scambiava i pensieri pi bei co i toi
e le sere le jera tuta una intimità.
Intanto fora,daea tramontana fis.ciava on venteseo
e a neve cadea,pianin pianeo
coersendo a miseria,sbiancando a campagna,
fasendo ricami,pienindo de perle i rami,
jera la matina i momenti più bei de noialtri putei
che infagotai corevimo fora a fare i pajassi,
metevimo e trapoete per ciapare e seeghete
che ingritoie e sgionfe e pene
le sbecotava lgraneo.
L core el faseva mae,
ma l jera on divertimento anca coeo!
ricordo ala sera, in cusina so na teceta
na fetina de lardo e de salvia na fojeta
fasevimo on speeto e impiravimo l'oseeto
e magnavimo co a poentina
tociando fetina su fetina
metendo cossì a tasèr la fame
fin la matina...

QUESTA POESIA DESCRIVE
EMOZIONI RICORDI DI UN TEMPO...1946

UFFA CHE FADIGA A SRIVERE EL DIALETTO...