Aggio sentito ca 'n'artista
aroppo ll'elezioni c'ha ditto:
< E viecchie nunn'hanno ghì a vutà!
se hanno mettere int''a 'nu cantone
e aspettà 'o juorno (d''o spurtone).*

facenno 'n'atu passo,
passanno 'n'atu juorno,
chella se scetarrà e alluccherà:
< A chiste vicchiarielle senza diente
accerimmele, ca nun serveno chiù a niente! >

m''e tene 'nu pate e 'na mamma?
nun crero ca cu 'na figlia
comme a chella s''a passeno
propeto bbona e senza affanni...
currite a vedè comme stanno.

ma che tene paura
ca ce danno ll'uoglio 'e ricino
o 'na manganellata 'ncapo,
chille c'hanno vinto ll'elezioni
chesta grande artistona.

'O vvo' capi' ca chille tiempe
se ne so' ghiute.
pure si fasciste o comunisti
l'assammele 'npace a chilli muorte,
ca già se ne so' ghiute senza sciorta.

a chesta bella guagliona
ce facesse fa' 'nu viaggio...
nu' chillo arreto c''o tiempo,
manco chillo senza ritorno int''o scuro,
ma na bella cammenata int''o futuro.

'A facesse vede' 'ncopp''a 'na seggia,
sola sola, int''a 'nu cantone,
pe' sape' che ne penza
e chello ca diceva e teneva 'nmente
quanno pe' ll'ate nun serve chiù a niente.

* Quando morti vengono messi in una bara.