PoeticHouse - Il Portale dei Poeti e della Poesia
Pubblicata il 31/07/2022
Nunn''a sfottere a chella vecchiarella
ca v''a cchiesa pure cu 'e stampelle.
essa prega a 'nu Ddio ca forse nunn'esiste
e ca tu lle vuo' fa' cagnà idea nunn''è 'nziste. (*) (insistere)

viato a chille c'ha fatto 'st'ammentata (*) (invenzione)
e sott''a 'na religione simmo nate.
essa dice ca nce stà 'n'ata vita aropp''a morte
e c'all'atu munno avimmo 'n'ata sciorta. (*) (esistenza)

ll'assela sunnà a chella vecchiarella,
nun vide c'affront''a morte e stà tranquilla,
pure si aropp''o trapasso nun se sà
se propeto 'n'atu munno nce stà.

tu invece ca nun crire a niente
e ca nce stà 'o scuro sulamente,
fa' comm''a chella ca tu sfutte
e vide c''o trapasso nunn''è accuss' brutto.

  • Attualmente 5/5 meriti.
5,0/5 meriti (2 voti)