'Na vota 'o Pataterno
ogni matina 'e nnove se scetava
e a' fenesta se affacciava.

'E tutt''a ggente ascultava
tutt''e grazie ca 'nce cercava,
assaje (1) 'e lloro accuntentava.

'A quacche juorno 'a fenesta,
a' stessa ora rimane 'nzerrata (2)
'o Signore rinunzia a' affacciata.

'A ggente 'ncopp''a terra
se addummanna: Ma nunn''è vierno...
vuo' vedè ca nun stà bbuono 'o Pataterno?

< Nunn''è chesto!> Se fa sentì
'a voce 'e 'nu Santone.
chille 'o Pataterno se' sfastediato... (3) Attenzione!

chi 'a vole cotta...
chi 'a vole cruda...
chi 'a vole a mezza cottura...

chi dice 'e fa' chiovere...
chi vole 'o sole...
chi vole 'o tiempo d''e marzaiole. (4)

chi vole ca uno adda stà bbuono...
chi vole ca 'n'ato adda murì...
chi vole ca adda stà accussì-accussì. (5)

isse ca è 'o pate 'e tutt''e nuje,
nun sape cchiù a chi accuntentà,
è 'nzerrata 'a fenesta e se ghiuto a cuccà>.

1 assaje-molti
2-'nzerrata-chiusa
3-sfastediato-infastidito
4-marzaiole- uccello immigratore che arriva a marzo
5-accussì-accussì-ne bene ne male.