Aggio fatto 'n'ammentata (1)
pe' sparagnà 'ncopp''a bulletta,
me aggio accatta 'na bicicletta.
essa tene 'ncopp''a 'na rota,
pe' appiccià 'a luce cu ingegno
'nu bello e piccerillo marchingegno.
ll'ata notte pe' leggere 'nu libbro,
e nun me stancà troppo 'a vista,
aggio miso a muglierema a f''a ciclista.
puverella a sittant'anne
aroppo 'n'ora s'è abbafata (2)
e sott''o colpo morta s'è truvata.
pozzeno ciuncà (3) chille c'hanno vuluto
chesta guerra e pure chille
ca se stanno facenno chiattulille (4)
pe' colpa lloro, aggio perso a muglierema
e aggio fatto 'a quaterna,
so' rimasto senza luce int''a 'st'inferno!
1- ammentata= inventata
2-abbafata = affannata
3- ciuncà= eserre colpiti da paralisi
4- chiattulille = grassi o panciuti