Tiene sidece anne,
t'aggio visto chesta mattina
cu' 'nu panzone annanze
me parive 'na reggina.
'A faccia nunn''a tenive
cchiù 'a criatura.
t''a cagnata chella vita
ca tu puorte cu' tanta cura.
i' tengo sittantanne e mmaje
aggio pruvato tanta tenerezza
int''a vita mia
a bbedè tanta durcezza.
ma chi sì? Fusse propeto
chella Madonna, ca 'ncopp''a terra,
nunn''a vedimmo cchiù ' a quanno
'nce levarono 'o figlio cca 'nterra?
guardete attuorno...Guarda 'o cielo...
guarda 'a terra 'e 'o sole ca te danno ammore.
guarda ll'acqua a luce e 'e stelle
ca te fanno 'nu surriso a tutt'e ll'ore.
tutte quante cu 'nu sciore
te diceno senza esitazione,
ca ll'universo esiste pe' mezzo tuoje,
ca puorte 'ncuorpo a tte 'o mutivo d'a criazione!
- Attualmente 4.57143/5 meriti.
4,6/5 meriti (7 voti)