PoeticHouse - Il Portale dei Poeti e della Poesia
Pubblicata il 25/12/2018
Nasciu ‘mpiciriddu
puttatu ri na stidda:
matruzza che beddu!
allatu, na sciccaredda
e nu voi co so ciatu
u cunfottunu ro friddu,
u tenunu quariatu.

chi bedda famigghia
rintra sta stadda:
pi tappitu sulu pagghia.
tutt’attonnu picureddi
s’assicutunu cuntenti
e supra tri iamiddi
venunu i re dall’orienti.

ci puttano tri riali:
oru mirra e ‘ncenzu,
pi rispettu di stu natali.
l’angiuleddi ammenzu
a genti preiunu pianu,
pi nunnu rusbigghiari:
si tenunu tutti pe manu.

si senti n’aria ri paci,
‘ndo cori aceddi cantunu.
all’impruvisu tuttu taci:
“’nguè, ‘nguè “u bambinu
fa sentiri a so vuci:
e tuttu u munnu sapi
ca nasciu cu potta a cruci.
  • Attualmente 2.8/5 meriti.
2,8/5 meriti (5 voti)

piacevole poesia natalizia.... anche se non conosco bene il tuo dialetto sono riuscita a tradurlo abbastanza da capirne il significato......... Augurissimi per un lieto "NATALE" Gabriela. bene

il 25/12/2018 alle 20:34