Si putissi (Se potessi)
lu me’ ciatu t’arrialassi (il mio respiro ti donerei)
ppi sentiri ancora la to’ vuci (per sentire ancora la tua voce)
filici e libera cantari (felice e libera cantare)
di cieli chini l’occhi (di cieli pieni gli occhi)
e la vucca d’amuri. (e la bocca d’amore.)
Si putissi (Se potessi)
‘ddi manu di sangu ti lavassi (quelle mani di sangue ti laverei)
picchì di lu ‘nfernu nascinu (perché dall’Inferno nascono)
e la spiranza astutanu. (e la speranza spengono.)
Si putissi (Se potessi)
lu me’ amuri ti cantassi (il mio amore ti canterei)
quannu ‘mmenzu a lu focu (quando in mezzo al fuoco)
di tutti ‘sti culuri (di tutti questi colori)
scinni dintra lu mari (scende dentro il mare)
la luci d’u to’ suli (la luce del tuo sole)
e lu cielu è cchiù scuru (e il cielo è più scuro)
e chianu chianu adduma (e piano piano accende)
tutti li stiddi e puru lu me’ cori. (tutte le stelle ed anche il mio cuore.)

Picchì t’amu accussì (Perché t’amo così)
Sicilia antica e mia ? (Sicilia antica e mia ?)

Forsi picchì nascisti (Forse perché sei nata)
ppi sòffriri e patiri. (per soffrire e patire.)

Forsi picchì nascisti (Forse perché sei nata)
ppi essiri puisia. (per essere poesia.)